Search This Blog

Tuesday, April 29, 2014

Cauliflower Tomato Kuruma

#காலிப்ளவர்தக்காளிகுருமா : மிக எளிதாக செய்யகூடிய குருமா. எண்ணெயே சேர்க்காமல் செய்ய கூடியது.
மதிய உணவுக்காக சப்பாத்தி அல்லது பூரியுடன் டப்பாவில் அடைத்து எடுத்து செல்ல ஏதுவான ஒரு குருமாவாகும். காலையில் மிக குறைந்த நேரத்தில் செய்து முடித்து விடலாம்.
இப்போது எப்படி என காணலாம்.

காலிப்ளவர் தக்காளி குருமா

தேவையான பொருட்கள் :
1/2 கப்                                            காலிப்ளோவர் துண்டுகள்
1/4 கப்                                            காரட் துண்டுகள்
1/4 Tsp                                            உப்பு

மசாலாவிற்கு :
1 சிறிய அளவு                           வெங்காயம்
3 அ 4 பற்கள்                               பூண்டு
1/2 Tsp                                             கசகசா
1 Tsp                                                சீரகம்
1/4 Tsp                                             மல்லி
2                                                      முந்திரி பருப்பு
3 Tsp                                               தேங்காய் துருவல்
1 அ 2                                              பச்சை மிளகாய்
1                                                      தக்காளி
3/4 Tsp                                             உப்பு [ அட்ஜஸ்ட் ]

சிறிது கொத்தமல்லி தழை அலங்கரிக்க.

செய்முறை :
காரட் மற்றும் காலிப்ளோவர் இரண்டையும் குக்கரில் எடுத்துகொள்ளவும்.
அரை கப் தண்ணீர் விட்டு 1/4 தேக்கரண்டி உப்பு சேர்த்து ஒரு விசில் வரும் வரை வேக வைக்கவும்.
அடுப்பை அணைத்து விட்டு உடனே ஆவியை வெளியேற்றி விடவும்.

மிக்ஸியில் கொடுக்கப்பட்டுள்ள அனைத்து பொருட்களையும் மைய அரைத்துக்கொள்ளவும்.


அரைத்த விழுதை வேக வைத்த காயுடன் சேர்க்கவும்.
காலிப்ளவர் தக்காளி குருமா

ஐந்து நிமிடங்கள் மிதமான தீயில் கொதிக்க விடவும்.

கொத்தமல்லி தூவி கலக்கி விடவும்.
பரிமாறும் பாத்திரத்தில் எடுத்து வைக்கவும்.
மேலே கொத்தமல்லி தூவி அலங்கரிக்கவும்.

காலிப்ளவர் தக்காளி குருமா

சப்பாத்தியுடன் தொட்டுக்கொண்டு சாப்பிட அருமையான குருமா.


அதே போல பூரியுடனும் நன்றாக இருக்கும்.

மற்ற சில சிறப்பான சமையல் குறிப்புகள் 

அவியல் கடப்பா குடைமிளகாய் குருமா

No comments:

Post a Comment