Broken Wheat Payasam

கோதுமை ரவா பாயசம் : இன்று மதிய உணவிற்கு பிரிஞ்சி சாதம் செய்தேன். சாப்பிட்டவுடன் இனிப்பிற்காக என்ன பாயசம் செய்யலாம் என யோசித்துக் கொண்டிருந்தேன். எல்லா வகையான பாயசமும் செய்து முடித்தாயிற்று. இன்று உடைத்த கோதுமையை கொண்டு செய்து பார்ப்போம் என முடிவு செய்தேன். எவ்வாறு என பார்க்கலாம்.

தேவையான பொருட்கள் :
1 Tbsp குவித்து                                 உடைத்த கோதுமை ( கோதுமை ரவா )
1 சிட்டிகை                                        உப்பு
1 Tbsp                                                   சர்க்கரை [ sugar ]
1 சிறிய துண்டு                              ஜாதி பத்திரி
4                                                           பாதாம் பருப்பு, சீவி வைக்கவும்
1 கப்                                                    பால்
1/2 Tsp                                                 நெய்

செய்முறை :
வாணலியை சூடாக்கி கோதுமை ரவாவை நெய் சேர்த்து நன்கு வாசனை வரும் வரை வறுத்து எடுக்கவும்.

அடுப்பில் ஒரு பாத்திரத்தில் பாலை சூடாக்கவும்.
அதில் வறுத்து வைத்துள்ள ரவாவை சேர்த்து குறைந்த தீயில் வேக விடவும்.
நன்கு வெந்ததும் சர்க்கரை மற்றும் ஜாதி பத்திரியை பொடியாக்கி சேர்க்கவும்.
கரண்டியால் கலக்கி சர்க்கரையை கரைத்து விடவும்.
5 நிமிடங்கள் குறைந்த தீயில் கொதிக்க விடவும்.
சுவையான கோதுமை ரவா பாயசம் தயார்.
பரிமாறும் கிண்ணத்தில் ஊற்றி பாதாம் துகள்களை தூவி பரிமாறவும்.
வறுத்த கோதுமையின் மணத்துடன் மிக மிக அருமையான பாயசம்!!.....

கோதுமை ரவா கொண்டு தயாரிக்கக் கூடிய மற்ற உணவு வகைகள் :

கோதுமை ரவா கஞ்சி 

கோதுமை ரவா இட்லி 

கோதுமை ரவா உப்புமா 

கோதுமை ரவா பொங்கல்