Search This Blog

Monday, February 3, 2014

Broken Wheat Idly

#கோதுமைரவாஇட்லி : சில நாட்களுக்கு முன் ரவா இட்லி செய்து அதன் செய்முறையை உங்களுடன் பகிர்ந்து கொண்டேன். இம்முறை உடைத்த கோதுமை ( #கோதுமைரவா ) கொண்டு எவ்வாறு இட்லி செய்யலாம் என பார்ப்போம்.
1 கப் உடைத்த கோதுமை கொண்டு 12 இட்லிகள் செய்யலாம்.

கோதுமை ரவா இட்லி

தேவையான பொருட்கள் :
1  கப்                                          கோதுமை ரவா
1/2 கப்                                         தயிர்
1 பாக்கெட்                               ஈனோ ப்ரூட் சால்ட்
3/4 Tsp                                          உப்பு

ஊற வைக்க :
1 Tsp                                             உளுத்தம் பருப்பு
1 Tsp                                             கடலை பருப்பு


தாளிக்க :
4                                                   முந்திரி பருப்பு
1/2 Tsp                                          கடுகு
1 Tsp                                             கடலை பருப்பு
3 Tsp                                             நில கடலை இரண்டாக பிளந்தது
1 அ 2                                           பச்சை மிளகாய், பொடியாக அறியவும்
10 அ 15                                       கருவேப்பிலை, கிள்ளி வைக்கவும்
1 Tsp                                             இஞ்சி பொடியாக நறுக்கியது
1/4 Tsp                                          பெருங்காய பொடி ( விருப்பப்பட்டால் )
3 Tsp                                             எண்ணெய்

மாவுடன் கலக்க :
1/4 கப்                                         காரட் துருவியது
1                                                   வெங்காயம் பொடியாக நறுக்கவும் ( விருப்பப்பட்டால் )
1/4 கப்                                         குடை மிளகாய் பொடியாக நறுக்கியது ( விருப்பப்பட்டால் )
1 Tbsp                                           பச்சை பட்டாணி ( விருப்பப்பட்டால் )

செய்முறை :

ஊறவைக்க வேண்டிய பருப்பை கழுவி ஊற வைக்கவும்.

ஒரு வாயகன்ற பாத்திரத்தில் கோதுமை ரவாவையும் உப்பையும் சேர்த்து தயிர் ஊற்றி கலந்து வைக்கவும். தேவை பட்டால் சிறிது தண்ணீர் சேர்த்துக் கொள்ளலாம். முக்கால் மணி நேரம் ஊற விடவும்.

வாணலியை அடுப்பில் வைத்து  3 Tsp எண்ணெய் விட்டு சூடானதும் கடுகை வெடிக்க விடவும்.
பிறகு கடலை பருப்பு, முந்திரி பருப்பு  மற்றும் நில கடலையை சேர்த்து பொன்னிறமாக வறுக்கவும்.
இப்போது பச்சை மிளகாய், இஞ்சி மற்றும் கருவேப்பிலை ஆகியவற்றை நன்கு வதக்கவும்.
இப்போது காரட் மற்றும் பட்டாணியை சேர்த்து ஒரு சில மணித்துளிகள் வதக்கி மாவில் சேர்த்து, ஊற வைத்த பருப்பையும் சேர்த்து நன்கு கலக்கவும்.
தேவை பட்டால் சிறிது தண்ணீர் சேர்க்கவும். மாவு மிகவும் கெட்டியாகவோ அல்லது மிகவும் நீர்க்கவோ இருக்கக் கூடாது.
இட்லி பானையில் 3 கப் தண்ணீர் விட்டு கொதிக்க விடவும்.
மாவுடன்   ஈனோ ப்ரூட் சால்ட்  நன்றாக கலந்து விடவும்.
இட்லி தட்டில் எண்ணெய் தடவி ஒவ்வொரு குழியிலும் ஒரு கரண்டி மாவை ஊற்றவும்.
இட்லி பானையில் வைத்து மூடி ஆவியில் 10 நிமிடங்கள்  வேக வைக்கவும்.
ஒரு குச்சி கொண்டு இட்லியில் சொருகி பார்க்கவும். வெந்து விட்டால் மாவு குச்சியில் ஒட்டாமல் இருக்கும். வேகவில்லை என்றால் மேலும் 3 நிமிடங்கள் வேக வைத்து எடுக்கவும்.
ஒரு தேக்கரண்டியால் இட்லியை எடுத்து பரிமாறும் கிண்ணத்தில் எடுத்து அடுக்கவும்.
பிறகு மறுபடியும் இட்லி தட்டில் எண்ணெய் தடவி மறு முறையும் மாவை ஊற்றி அடுப்பில் வேக வைத்து அடுத்த ஈடை எடுக்கவும்.

சுவையான கோதுமை ரவா இட்லி தயார்.
தேங்காய் சட்னி அல்லது பூண்டு மிளகாய் சட்னி யுடன் பரிமாறவும்.
கோதுமை ரவா இட்லி





மற்றும் சில சமையல் குறிப்புகள்

குதிரைவாலி இட்லி
குதிரைவாலி இட்லி
ரவா இட்லி
ரவா இட்லி
ரவா பாப்பரை இட்லி
ரவா பாப்பரை இட்லி
கம்பு இட்லி
கம்பு இட்லி
சோள இட்லி
சோள இட்லி
கள்ளாப்பம்
கள்ளாப்பம்

தொட்டுக்கொண்டு சாப்பிட

தொட்டுக்க


No comments:

Post a Comment